అక్షరటుడే, నిజామాబాద్ అర్బన్: మద్యం మత్తులో బురద నీటిలో పడి ఒకరు మృతి చెందిన ఘటన నగర శివారులోని గుండారం కమాన్ వద్ద చోటు చేసుకుంది. నిజామాబాద్ రూరల్ ఎస్సై ఆరిఫ్ తెలిపిన వివరాల ప్రకారం.. నాందేవాడకు చెందిన సంతలే జ్యోతిరాం(54) మద్యం మత్తులో గుండారం కమాన్ వద్ద పేరుకుపోయిన బురద నీటిలో పడి మృతి చెందాడు. స్థానికులు గమనించి పోలీసులకు సమాచారం అందించారు. వారు ఆదివారం ఘటనా స్థలానికి చేరుకొని పరిశీలించారు. కేసు దర్యాప్తు చేస్తున్నామని ఎస్సై తెలిపారు.
