అక్షరటుడే, వెబ్‌డెస్క్‌: పోలీసు శాఖలో శిక్షణ పొందిన కానిస్టేబుల్స్‌కు ఈ నెల 20, 21వ తేదీల్లో పాసింగ్‌ అవుట్‌ పరేడ్‌ నిర్వహించనున్నారు. 2023-24 బ్యాచ్‌లో ఎంపికైన పోలీసు కానిస్టేబుల్స్‌ రాష్ట్రవ్యాప్తంగా ఉన్న శిక్షణ కేంద్రాల్లో తొమ్మిది నెలల పాటు ట్రెయినింగ్‌ పూర్తి చేసుకున్నారు. కాగా.. వీరితో ఆయా శిక్షణ కేంద్రాల్లో పరేడ్‌ కార్యక్రమం చేపట్టనున్నారు. అనంతరం వీరికి సంబంధిత జిల్లాల్లో పోస్టింగ్‌ ఇవ్వనున్నారు. వీరి కేటాయింపుతో పోలీస్‌ శాఖలో కొంతమేర సిబ్బంది సమస్య తీరనుంది.
