అక్షరటుడే, వెబ్‌డెస్క్‌: ఆగి ఉన్న లారీని కారు ఢీకొట్టడంతో ఒకరు అక్కడికక్కడే మృతి చెందగా.. మరో ముగ్గురికి తీవ్ర గాయాలయ్యాయి. ఈ ఘటన కామారెడ్డి జిల్లా భిక్కనూరు మండలం సిద్ధిరామేశ్వనగర్‌ శివారులో మంగళవారం తెల్లవారుజామున చోటు చేసుకుంది. హైదరాబాద్‌కు చెందిన ఓ కుటుంబం కారులో నిర్మల్‌ వైపు వెళ్తుండగా.. సిద్ధరామేశ్వనగర్‌ శివారులోని ఓ దాబాకు దగ్గరలో రోడ్డు పక్కన ఆగి ఉన్న లారీని ఢీకొట్టింది. ఘటనలో డ్రైవర్‌ శివ అక్కడికక్కడే మృతి చెందాడు. కారులో ఉన్న భర్తతో పాటు భార్య, చిన్నారికి తీవ్రగాయాలయ్యాయి. క్షతగాత్రులను జిల్లా కేంద్రంలోని ప్రభుత్వ ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.
