అక్షరటుడే,వెబ్‌డెస్క్‌: సినీ పరిశ్రమకు చేసిన సేవలకు గాను ఇటీవల పద్మవిభూషణ్‌ అవార్డును అందుకున్న నటుడు మెగాస్టార్‌ చిరంజీవి తాజాగా మరో విశిష్ట గౌరవాన్ని అందుకున్నారు. గిన్నిస్‌ బుక్‌ వరల్డ్‌ రికార్డ్సులో చోటు దక్కించుకున్నారు. 156 సినిమాలు, 537 పాటలు, 24వేల స్టెప్పులతో అలరించినందుకు ఆయనకు ఈ గౌరవం దక్కింది. ఈమేరకు గిన్నిస్‌ బుక్‌ ప్రతినిధులు, బాలీవుడ్‌ నటుడు అమీర్‌ ఖాన్‌ కలిసి ఈ అవార్డును ప్రదానం చేశారు. దీంతో పలువురు చిరంజీవికి అభినందలు తెలుపుతున్నారు. కాగా ఇటీవల అక్కినేని నాగేశ్వరరావు పేరిట గల జాతీయ అవార్డు చిరంజీవికి దక్కింది. దీనిని అక్టోబర్‌ 28న అందజేస్తారు.
