అక్షరటుడే, ఎల్లారెడ్డి : లింగంపేటకు చెందిన కావ్య అనే విద్యార్థి మంగళవారం బస్సులో నుంచి దిగుతుండగా కిందపడి గాయపడినట్లు స్థానికులు తెలిపారు. కావ్య ఎల్లారెడ్డి ప్రభుత్వ డిగ్రీ కళాశాలలో మొదటి సంవత్సరం చదువుతోంది. కళాశాలకు వెళ్లడానికి లింగంపేట అంబేద్కర్ చౌరస్తాలో పిట్లం బస్సు ఎక్కింది. కింద ఉన్న తన తల్లిని చూసి బస్సు దిగుతుండగా ప్రమాదవశాత్తు కింద పడడంతో తలకు గాయాలయ్యాయి. ఆమెను స్థానికులు వెంటనే కామారెడ్డి ఏరియా ఆస్పత్రికి తరలించారు.
