అక్షరటుడే, బోధన్‌: పట్టణంలోని ఇందూరు పాఠశాల నుంచి తప్పిపోయిన విద్యార్థి ఆచూకీ తిరుమలలో లభ్యమైంది. గత నెల 26న విద్యార్థి అదృశ్యం కాగా.. కేసు నమోదు చేసి విచారణ చేపట్టిన పోలీసులు బాలుడి కోసం గాలింపు చర్యలు చేపట్టారు. విద్యార్థి తిరుమలలో ఉన్నట్లు సమాచారం రావడంతో పోలీసులు అక్కడికి చేరుకుని బాలుడిని తమ ఆధీనంలోకి తీసుకున్నారు. విద్యార్థిని అతడి తండ్రి స్కూల్ లో వదిలిపెట్టగా అక్కడి నుంచి ఎవరికీ చెప్పకుండా నిజామాబాద్ కు వచ్చి రైలులో తిరుపతి వెళ్లినట్లు తెలిసింది.
