అక్షరటుడే, కామారెడ్డి టౌన్: జిల్లా కేంద్రంలోని శ్రీ సరస్వతి శిశుమందిర్ ప్రాథమిక పాఠశాలలో శుక్రవారం నీటి శుద్ధీకరణ కేంద్రాన్ని ప్రారంభించారు. ఈ సందర్భంగా ప్రధానచార్యులు శ్యామల మాట్లాడుతూ.. రిటైర్డ్ హెచ్ఎం కొండ లక్ష్మయ్య జ్ఞాపకార్థం వారి భార్య కొండ అనసూయ, కుమారుడు కొండ అశోక్ కుమార్ రూ. 2 లక్షల విలువైన వాటర్ ప్లాంట్ ఏర్పాటు చేసినట్లు తెలిపారు. కార్యక్రమంలో ముస్త్యాల రమేశ్, పాఠశాల అధ్యక్షుడు ముప్పారపు ఆనంద్, జిల్లా కార్యదర్శి రాజిరెడ్డి, చీల సూర్యప్రకాశ్, సంతోష్, డాక్టర్ వెంకటేశ్వర గౌడ్, రాజేష్, కిషన్, మాతాజీలు, విద్యార్థులు పాల్గొన్నారు.
