అక్షరటుడే, వెబ్‌డెస్క్‌ : మహారాష్ట్రలో చిరుత పులి దాడి చేసి ఘటనలో ఓ మహిళ ప్రాణాలు కోల్పోయింది. పోలీసులు తెలిపిన వివరాల ప్రకారం.. పుణేకు సమీపంలోని పింప్రి – పెంధార్‌ గ్రామంలో సుజాత ధేరే అనే మహిళ చెరుకు పొలాల చుట్టూ ఉన్న సోయాబీన్‌ పొలంలో బుధవారం పని చేసుకుంటూ ఉంది. అక్కడే మాటు వేసిన చిరుత పులి ఒక్కసారిగా మహిళపై దాడి చేసి.. దాదాపు 100 అడుగుల దూరం లాక్కెళ్లింది. తీవ్రగాయాలు కావడంతో ఆమె అక్కడికక్కడే మృతి చెందింది. సమాచారం అందుకున్న పోలీసులు ఘటనా స్థలానికి చేరుకొని విచారణ చేపట్టారు. చిరుత పులిని గుర్తించడానికి థర్మల్‌ డ్రోన్‌లను ఉపయోగిస్తున్నట్లు ఫారెస్టు డివిజన్‌ అధికారి పేర్కొన్నారు.
