అక్షరటుడే, కామారెడ్డి: ఆన్లైన్ బెట్టింగ్ కోసం అప్పులు చేసిన యువకుడు.. అవి తీర్చే మార్గం లేక ఆత్మహత్య చేసుకున్నాడు. ఈ ఘటన కామారెడ్డి మున్సిపల్ పరిధిలోని దేవునిపల్లిలో చోటు చేసుకుంది. పోలీసులు, కుటుంబ సభ్యుల కథనం ప్రకారం.. దేవునిపల్లి గ్రామానికి చెందిన దేవల సంజయ్(29) ఇటీవల ఆన్లైన్ బెట్టింగ్ యాప్లకు అలవాటుపడ్డాడు. అప్పు చేసుకుంటూ బెట్టింగ్ యాప్లో గేమ్స్ ఆడుతున్నాడు. ఈ క్రమంలోనే సుమారుగా రూ.80 లక్షల వరకు అప్పుల పాలయ్యాడు. దాంతో అప్పులు తీర్చే మార్గం కోసం ఆలోచిస్తూ ఉండేవాడు. ఉన్న ఇంటిని అమ్మడానికి ప్రయత్నించినా అనుకున్నంతగా అమౌంట్ రాకపోవడంతో ఆ నిర్ణయాన్ని విరమించుకున్నాడు. ఇతరత్రా ఆస్తులేమి లేకపోవడంతో ఇంట్లోనే ఉరేసుకుని ఆత్మహత్య చేసుకున్నాడు. సంజయ్కు భార్య, మూడేళ్ల కూతురు ఉన్నారు. మృతుడి భార్య ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.
