అక్షరటుడే, నిజామాబాద్‌ రూరల్‌ : తెలంగాణ యూనివర్సిటీలోని సమస్యలను పరిష్కరించాలని ఏబీవీపీ నాయకులు డిమాండ్‌ చేశారు. ఈ మేరకు వీసీ యాదగిరిరావుకు వినతిపత్రం అందజేశారు. వర్సిటీలో ఖాళీగా ఉన్న టీచింగ్‌.. నాన్‌టీచింగ్‌ పోస్టులను వెంటనే భర్తీ చేయాలని కోరారు. వర్సిటీల్లోని డిపార్ట్‌మెంట్లలో లాబ్స్‌ను మెరుగుపర్చాలన్నారు. బాలికల హాస్టళ్లలో గదుల కొరత ఉందని, ఆడిటోరియం నిర్మించాలన్నారు. హాస్టళ్లలో, స్పోర్ట్స్‌ గ్రౌండ్‌లో సమస్యలు పరిష్కరించాలని పేర్కొన్నారు. కార్యక్రమంలో ఏబీవీపీ జాతీయ కార్యవర్గ సభ్యుడు శివ, యూనివర్సిటీ అధ్యక్షుడు సాయి, కార్యదర్శి అమృత్‌చారి తదితరులు పాల్గొన్నారు.
