అక్షరటుడే, ఇందూరు: జిల్లా అథ్లెటిక్స్ అసోసియేషన్ ఆధ్వర్యంలో ఈ నెల 23న ఉదయం 10 గంటలకు కిడ్స్ అథ్లెటిక్ ఛాంపియన్షిప్ నిర్వహిస్తున్నట్లు అధ్యక్ష, కార్యదర్శులు నరాల రత్నాకర్, రాజా గౌడ్ తెలిపారు. పోటీలు జిల్లా కేంద్రంలోని నాగారం రాజారామ్ స్టేడియంలో ఉంటాయన్నారు. అండర్ 8, 10, 12 విభాగాల్లో సెలక్షన్ కం టోర్నమెంట్ ఉంటుందని, ఎంపికైన అథ్లెట్స్ డిసెంబర్ 1న మంచిర్యాలలో జరిగే రాష్ట్రస్థాయి పోటీల్లో పాల్గొంటారన్నారు. ఈనెల 22వ తేదీలోపు రిజిస్ట్రేషన్ చేసుకోవాలని సూచించారు.
