అక్షరటుడే, జుక్కల్‌: జహీరాబాద్‌ ఎంపీగా కాంగ్రెస్‌ అభ్యర్థి సురేశ్‌షెట్కార్‌ను గెలిపించుకుని.. జుక్కల్‌ నియోజకవర్గాన్ని మరింత అభివృద్ధి చేసుకుందామని ఎమ్మెల్యే తోట లక్ష్మీకాంతారావు అన్నారు. శనివారం జుక్కల్‌ మండలంలోని చిన్నఏడ్గి, నాగల్‌ గావ్‌, పడంపల్లి గ్రామాల్లో ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. నారాయణ్‌ ఖేడ్‌, జుక్కల్‌ నియోజకవర్గాల మధ్య త్వరలో అతి పెద్ద ఫార్మా సిటీ రాబోతుందని తెలిపారు. దీంతో యువకులు, నిరుద్యోగులకు ఉద్యోగాలు వస్తాయని చెప్పారు. కార్యక్రమంలో తెలంగాణ ఆగ్రో ఇండస్ట్రీస్‌ చైర్మన్‌ కాసుల బాలరాజ్‌, కాంగ్రెస్‌ నాయకులు, కార్యకర్తలు పాల్గొన్నారు.
