అక్షరటుడే, నిజామాబాద్‌అర్బన్‌: మహిళల అభ్యున్నతి కోసం పోరాడిన మహనీయుడు జ్యోతిరావు పూలే అని మాజీ ఎమ్మెల్సీ ఆకుల లలిత పేర్కొన్నారు. గురువారం జిల్లా కేంద్రంలోని పార్టీ కార్యాలయంలో పూలే జయంతి నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. అనంతరం ఆకుల లలిత మాట్లాడుతూ సమాజంలో మహిళలకు విద్యనందించేందుకు పూలే ఎంతో కృషి చేశారన్నారు. అలాగే మహిళల అభివృద్ధి, పేదల హక్కుల కోసం నిరంతరం పోరాడిన వ్యక్తి అని పేర్కొన్నారు. కార్యక్రమంలో జిల్లా సేవాదళ్‌ అధ్యక్షుడు సంతోష్‌, యశోద, మాజీ మేయర్‌ ఆకుల సుజాత, నగర మహిళా అధ్యక్షురాలు రేవతి, స్వామిగౌడ్‌, పోల ఉష, చంద్రకళ, గాజుల సుజాత, ప్రమోద్‌, సునంద, విజయలక్ష్మి, నాగరాజు పాల్గొన్నారు.
