అక్షరటుడే, కామారెడ్డి: సమాజాభివృద్ధిలో మహిళల పాత్ర చాలా కీలకమని కామారెడ్డి కలెక్టర్ జితేష్‌ వి పాటిల్‌ అన్నారు. ఇది గుర్తించే ఆనాడు మహాత్మా జ్యోతిరావు పూలే.. మహిళలకు చదువు అందించేందుకు ఎంతో కృషి చేశారని పేర్కొన్నారు. పూలే జయంతి సందర్భంగా గురువారం పట్టణంలోని మున్సిపల్‌ కార్యాలయం వద్ద గల ఆయన విగ్రహానికి పూలమాలలు వేసి నివాళులర్పించారు. అనంతరం కలెక్టర్ మాట్లాడుతూ కులవ్యవస్థలో లోపాలను గుర్తించి సామాజిక సమానత్వం కోసం జ్యోతిబా పూలే సంస్కరణల కోసం కృషి చేశారన్నారు. కార్యక్రమంలో బీసీ అభివృద్ధి అధికారి శ్రీనివాస్‌, సహాయ బీసీ అభివృద్ధి అధికారి యాదగిరి, చక్రధర్‌, నరేశ్‌ తదితరులు పాల్గొన్నారు.
