అక్షరటుడే, ఇందూరు: రాష్ట్రస్థాయి మానసిక వైద్యుల సదస్సులో భాగంగా నిర్వహించిన క్విజ్‌లో నిజామాబాద్‌ వైద్య విద్యార్థులు శ్రీ సూర్య, అబ్దుల్‌ రఫీ ఉత్తమ ప్రతిభ కనబర్చారు. జూన్‌ 22, 23న జరిగిన కార్యక్రమంలో మొదటి స్థానంలో నిలిచారు. దీంతో వీరు బెంగళూరులో జరుగనున్న సౌత్‌జోన్‌కు క్విజ్‌కు ఎంపికయ్యారు. వీరిని జిల్లా ప్రభుత్వ జనరల్ ఆస్పత్రి సూపరింటెండెంట్‌ డాక్టర్‌ ప్రతిమారాజ్‌ అభినందించారు. కార్యక్రమంలో మానసిక వైద్య విభాగాధిపతి డాక్టర్‌ శివప్రసాద్‌, మానసిక వైద్యులు రాజేందర్‌, రాజశేఖర్‌, ప్రదీప్‌ కుమార్‌ పాల్గొన్నారు.
