అక్షరటుడే, నిజామాబాద్‌అర్బన్‌: నగరంలోని పలు ప్రాంతాల్లో ఆదివారం విద్యుత్‌ సరఫరాలో అంతరాయం ఏర్పడనుంది. తిలక్‌గార్డెన్‌ విద్యుత్‌ ఉపకేంద్రంలో మరమ్మతులు చేపట్టనున్న నేపథ్యంలో.. ఉదయం 8 గంటల నుంచి 10 గంటలవరకు విద్యుత్‌ సరఫరా నిలిపివేయనున్నారు. నగరంలోని ఖలీల్‌వాడి, రాష్ట్రపతి రోడ్‌, గాంధీచౌక్‌, నెహ్రూ పార్క్‌, హెడ్‌ పోస్టాఫీస్‌, కుమార్‌గల్లి, ఒకటో టౌన్‌ పోలీస్‌స్టేషన్‌, సరస్వతినగర్‌, ప్రగతి నగర్‌, పోచమ్మగల్లి, ద్వారకానగర్‌ ప్రాంతాల్లో విద్యుత్‌ సరఫరాలో అంతరాయం కలుగనుంది.
