అక్షరటుడే, నిజామాబాద్‌అర్బన్‌: యువతిపై ఆగంతకులు దాడి చేసిన ఘటన జిల్లాలో కలకలం రేపుతోంది. ప్రస్తుతం ప్రాణపాయస్థితిలో జిల్లా ఆస్పత్రిలో చికిత్స పొందుతోంది. ఘటనకు సంబంధించిన వివరాలిలా ఉన్నాయి. ఎడపల్లి మండలం జాన్కంపేట శివారులో కెనాల్‌ పక్కన యువతి తీవ్ర గాయాలతో అపస్మారక స్థితిలో పడి ఉండడాన్ని గుర్తించిన స్థానికులు పోలీసులకు సమాచారం ఇచ్చారు. వారు ఘటనా స్థలానికి చేరుకోగా.. యువతి తీవ్ర గాయాలతో పడి ఉంది. వెంటనే ఆమెను చికిత్స నిమిత్తం జిల్లా కేంద్రంలోని ప్రభుత్వ ఆస్పత్రికి తరలించారు. ప్రస్తుతం యువతి పరిస్థితి విషమంగా ఉందని వైద్యులు తెలిపారు. పోలీసులు యువతికి సంబంధించిన వివరాలు సేకరిస్తున్నారు. ఘటనకు సంబంధించి పూర్తి వివరాలు తెలియాల్సి ఉంది.
