అక్షరటుడే, ఎల్లారెడ్డి: బీఆర్‌ఎస్‌ నేతలు వరుసగా ఆ పార్టీని వీడుతున్నారు. ఎల్లారెడ్డి మాజీ ఎమ్మెల్యే సురేందర్‌ ప్రధాన అనుచరులు వరుసగా ఆ పార్టీకి గుడ్‌బై చెబుతున్నారు. మొన్న ఎల్లారెడ్డి మున్సిపల్‌ చైర్మన్‌, నిన్న తాడ్వాయి ఎంపీపీ బీఆర్‌ఎస్‌ను వీడగా.. తాజాగా లింగంపేట మాజీ ఎంపీపీ వడ్ల భీమయ్య, ఎల్లారెడ్డి మార్కెట్‌ కమిటీ మాజీ వైస్‌ చైర్మన్‌ నరహరి, మాజీ జడ్పీటీసీ తనయుడు కమ్మరి వెంకటేశంల ‘కారు’ దిగి.. కమలం పార్టీలో చేరారు. ఎంపీ బీబీ పాటిల్‌ సమక్షంలో బీజేపీ తీర్థం పుచ్చుకున్నారు. కార్యక్రమంలో మాజీ మంత్రి నేరెళ్ల ఆంజనేయులు తదితరులు పాల్గొన్నారు.
