అక్షరటుడే, నిజామాబాద్ సిటీ : తెలంగాణ గెజిటెడ్ ఆఫీసర్స్(టీజీవో) అసోసియేషన్ జిల్లా అధ్యక్షుడిగా అలుక కిషన్ ఏకగ్రీవంగా ఎన్నికయ్యారు. నగరంలోని టీఎన్జీవోస్ భవనంలో శనివారం ఎన్నికలు నిర్వహించారు. అధ్యక్ష పదవికి ఒకే నామినేషన్ దాఖలు కావడంతో అలుక కిషన్ ఏకగ్రీవంగా ఎన్నికైనట్లు ఎన్నికల అధికారులు ప్రకటించారు. ప్రధాన కార్యదర్శిగా సంఘం అమృత కుమార్ ఎన్నికయ్యారు. అనంతరం నూతన కార్యవర్గంతో రాష్ట్ర అధ్యక్షుడు ఏలూరు శ్రీనివాస్ రెడ్డి ప్రమాణ స్వీకారం చేయించారు. నూతన కార్యవర్గాన్ని పలువురు సన్మానించారు.
