అక్షరటుడే, ఆర్మూర్‌: వాహనాలు నడిపే సమయంలో జాగ్రత్తలు పాటిస్తే ప్రమాదాలను నివారించవచ్చని ఆర్మూర్‌ ఎంవీఐ వివేకానంద రెడ్డి అన్నారు. ఆర్మూర్‌ ఆర్టీసీ డిపోలో బుధవారం ప్రమాద రహిత వారోత్సవాల్లో భాగంగా ఉత్తమ ఆర్టీసీ డ్రైవర్లకు అవార్డులను అందజేశారు. ఈ సందర్భంగా ఆయన మాట్లాడుతూ.. ఆర్టీసీలో ప్రయాణించడం సురక్షితమని పేర్కొన్నారు. ఆర్మూర్‌కు ప్రమాదరహిత డిపోగా మంచి గుర్తింపు ఉందన్నారు. కార్యక్రమంలో ఆర్మూర్‌ ఆర్టీసీ డీఎం రవికుమార్‌, ఎంఎఫ్‌ గంగాకిషన్‌, ఎస్టీఐ పారు, డీవీఎస్‌ చక్రవర్తి, నర్సింలు, ఆర్టీసీ డ్రైవర్లు, సిబ్బంది పాల్గొన్నారు.
