అక్షరటుడే, వెబ్‌డెస్క్‌ : ఓ ఫాంహౌస్‌లో వృద్ధ దంపతులు దారుణ హత్యకు గురయ్యారు. ఈ ఘటన రంగారెడ్డి జిల్లాలోని కందుకూరు పోలీస్‌స్టేషన్‌ పరిధిలోని కొత్తగూడలో జరిగింది. ఈ హత్యలు స్థానికంగా కలకలం రేపాయి. సమాచారం అందుకున్న పోలీసులు ఘటనా స్థలాన్ని పరిశీలించారు. కొత్తగూడలోని వ్యవసాయ క్షేత్రంలో వృద్ధ దంపతులు పనిచేసుకుంటూ జీవనం సాగిస్తున్నారు. గుర్తు తెలియని వ్యక్తులు వారిపై దాడి చేసి దారుణంగా హతమార్చారని పోలీసులు తెలిపారు. కాగా మృతులను నాగర్‌ కర్నూల్‌ జిల్లా ముష్టిపెళ్లికి చెందిన ఉషయ్య(55), శాంతమ్మ(50)లు గుర్తించారు. ఈమేరకు పోలీసులు కేసు నమోదు చేశారు.
