అక్షరటుడే, బోధన్‌: కల్లు సీసాలో బల్లి వచ్చిన ఘటన బుధవారం రెంజల్‌లో చోటుచేసుకుంది. గ్రామస్థుల కథనం ప్రకారం.. మండల కేంద్రానికి చెందిన కుమ్మరి చిన్న యాదగిరి కల్లు తాగేందుకు ఒకటో నంబర్‌ కల్లుబట్టికి వెళ్లాడు. కల్లు తాగుతుండగా, అందులో బల్లి కనిపించింది. దీంతో వెంటనే కల్లుబట్టి నిర్వాహకులకు చూపించగా, వారు సీసా పారవేసేందుకు యత్నించారు. దీంతో అక్కడే ఉన్న పలువురు అడ్డుకుని నిర్వాహకులతో ఘర్షణకు దిగారు. కాగా యాదగిరి అప్పటికే సగం వరకు కల్లు తాగడంతో వాంతులు చేసుకున్నాడు. స్థానికులు వెంటనే 108 అంబులెన్స్‌లో బోధన్‌ ఆస్పత్రికి తరలించగా, చికిత్స పొందుతున్నాడు.
