అక్ష‌ర‌టుడే, వెబ్‌డెస్క్‌ Arjun Son Of Vyjayanthi : నందమూరి కళ్యాణ్ రామ్ Kalyan Ram హీరోగా విజయశాంతి Vijayashanti కీలక పాత్రలో నటించిన సినిమా అర్జున్ సన్నాఫ్ వైజయంతి Arjun Son Of Vyjayanthi. స‌రిలేరు నీకెవ్వ‌రు చిత్రం త‌ర్వాత విజయశాంతి ఈ సినిమాతో ప్రేక్ష‌కుల ముందుకు వ‌స్తుంది. కాగా, కర్తవ్యం సినిమాలో విజయశాంతి పేరు Vyjayanthi వైజయంతి. ఆ సెంటిమెంట్తో ఈ టైటిల్ పెట్టారేమో అనుకోవ‌చ్చు. ఇక ఈ మూవీలోనూ ఆమె ఐపీఎస్ ఆఫీసర్గానే కనిపిస్తోంది. లేటెస్ట్గా ఈ మూవీ టీజర్ విడుదలైంది. 10 సంవత్సరాల నా కెరీర్లో ఇలాంటి ఎన్నో ఆపరేషన్స్.. కానీ చావుకు ఎదురెళ్తున్న ప్రతీసారి నా కళ్ల ముందు కనిపించే ముఖం.. నా కొడుకు అర్జున్” అంటూ విజయశాంతి వాయిస్ ఓవర్తో ఈ టీజర్ ప్రారంభమవుతుంది.
Arjun Son Of Vyjayanthi : పవర్ ఫుల్ టీజర్..
విజయశాంతి (Vijayashanti), వైజయంతి (Vyjayanthi) అనే పవర్ ఫుల్ పోలీసాఫీసర్గా కనిపించగా.. ఆమె కొడుకు పాత్రలో కళ్యాణ్ రామ్ కనిపించాడు. నెక్స్ట్ బర్త్ డే నాటికి పోలీస్ గా ఖాకీ డ్రెస్లో చూడాలని వైజయంతి తన కొడుకుని కోరుతుంది. అయితే లాఠీ చేతపట్టాల్సిన అర్జున్.. కొన్ని అనుకోని పరిస్థితుల్లో కత్తి పట్టుకొని రౌడీల మీద యుద్ధానికి బయలుదేరినట్లు టీజర్లో చూపించారు. ప్రదీప్ చిలుకూరి డైరెక్ట్ చేస్తోన్న ఈ మూవీ టీజర్ చూస్తే పటాస్ ఛాయలు కనిపిస్తున్నాయి. తన కొడుకు కూడా తనలా పెద్ద పోలీస్ ఆఫీసర్ కావాలని కలలు కన్న తల్లి కోరికను కాదని.. ఆ కొడుకు ఓ రౌడీలా మారతాడు. ఎవరు తప్పు చేసినా వదిలిపెట్టని వైజయంతి కొడుకు విషయంలో ఏం చేసింది అని సినిమాలో ఆస‌క్తిగా చూపించ‌నున్నారు.
పటాస్లో ఆ కొడుక్కి తండ్రి అంటే నచ్చదు. అందుకే తను పోలీస్ అయినా తన బాస్ అయిన తండ్రి మాటలు ఏ మాత్రం ప‌ట్టించుకోడు. ఇందులో పోలీస్ కాలేదు కానీ.. తల్లిని లెక్క చేయకుండా రౌడీలా మారిపోయాడు ఈ కొడుకు. అయితే కొడుకు పోలీస్ కాకుండానే అతనికి యూనిఫామ్ కూడా కుట్టించిన ఆ ప్రేమను కాదని అతనెందుకు అలాంటి నిర్ణయం తీసుకున్నాడు అనేది సినిమా చూస్తే కాని అర్థం కాదు. ‘రేపట్నుంచి వైజాగ్ను పోలీస్ బూట్లు, నల్లకోట్లు కాదు. ఈ అర్జున్ విశ్వనాథ్ కనుసైగలు శాసిస్తాయ్’ అనే డైలాగ్తో కళ్యాణ్ రామ్ (Kalyan Ram) క్యారెక్టర్ ఎంత పవర్ ఫుల్గా ఉంటుందో చెబుతుంది. కళ్యాణ్ రామ్ కు జోడీగా సాయీ మంజ్రేకర్ నటిస్తోన్న ఈ మూవీలో శ్రీకాంత్, సోహైల్ ఖాన్, బబ్లూ పృథ్వీరాజ్ తదితరులు ఇతర కీలక పాత్రల్లో కనిపించబోతున్నారు. కాంతార, విరూపాక్ష ఫేమ్ బి అజనీష్ లోకనాథ్ సంగీతం అందిస్తున్నాడు.
