అక్షరటుడే, వెబ్డెస్క్: హైదరాబాద్ ఎల్బీ స్టేడియంలో గురువారం సాయంత్రం బాలల దినోత్సవ వేడుకలు నిర్వహించేందుకు ఏర్పాట్లు చేస్తున్నారు. సీఎం రేవంత్ రెడ్డి ఈ కార్యక్రమానికి హాజరుకానున్నారు. మధ్యాహ్నం 12 గంటలకు ముంబై నుంచి ఆయన రాష్ట్ర రాజధానికి చేరుకోనున్నారు. మధ్యాహ్నం 3 గంటలకు ఎస్సీఈఆర్టీ కార్యాలయ ప్రాంగణంలో చిన్నారుల మాక్ అసెంబ్లీలో పాల్గొంటారు. అక్కడి నుంచి సాయంత్రం 4 గంటలకు ఎల్బీ స్టేడియానికి చేరుకుంటారు.
