అక్షరటుడే, నిజామాబాద్: నగరంలోని హతాయిగల్లికి చెందిన రౌడీ షీటర్లు హవేజ్ దాదా, పర్వేజ్, ఫయేజ్ పై హత్యాయత్నం కేసు నమోదైంది. హైమదపురా కాలనీకి చెందిన ఫరూక్ హైమద్ పై రెండ్రోజుల కిందట వీరు దాడి చేయించారు. నగరంలోని కంటేశ్వర్ మీసేవా సమీపంలో జరిగిన దాడి ఘటనలో బాధితుడు ఫరూక్ కు తీవ్ర గాయాలయ్యాయి. ప్రస్తుతం అతడు ఓ ప్రైవేటు ఆస్పత్రిలో చికిత్స పొందుతున్నాడు. ఈ ఘటనపై కుటుంబీకులు ఇచ్చిన ఫిర్యాదు మేరకు మూడో టౌన్ పోలీసులు కేసు నమోదు చేసుకున్నారు. సీసీ టీవీ దృశ్యాల ఆధారంగా నిందితులను అదుపులోకి తీసుకున్నారు.
