అక్షరటుడే, కోటగిరి : కోటగిరి మండల కేంద్రంలో అయ్యప్ప, సాయిబాబా ఆలయాలు ప్రారంభానికి సిద్ధం అయ్యాయి. ప్రముఖ వ్యాపారవేత్త పోలా విఠల్ రావు మందిరా నిర్మాణానికి 1.09 ఎకరాల భూమిని విరాళంగా ఇచ్చారు. దాతలు నుంచి రూ. 3 కోట్ల విరాళాలు సేకరించారు. నిర్మించిన ఆలయాలు ప్రారంభోత్సవంలో భాగంగా ఈనెల 14 నుంచి 18 వరకు వివిధ పూజల కార్యక్రమాలు నిర్వహించనున్నారు. మొదటి అంతస్తులో ఆలయాలు, గ్రౌండ్ ఫ్లోర్ లో ధ్యాన మందిర కేంద్రాన్ని నిర్మించారు. మెట్ల ద్వారా ఎక్కడానికి ఇబ్బంది పడే వారి కోసం లిఫ్ట్ కూడా ఏర్పాటు చేశారు. ప్రధాన మందిరాలతో పాటు అదనంగా మరో 10 ఆలయాలు నిర్మించారు . ఈ మేరకు వివిధ రాష్ట్రాల నుంచి వేద పండితులు హాజరుకానున్నట్లు ఆలయ కమిటీ ఛైర్మన్ పోలా విఠల్ రావు తెలిపారు.
