అక్షరటుడే, వెబ్‌డెస్క్‌: బంజారాల తీజ్‌ ఉత్సవాలు ఈనెల 3 నుంచి నిర్వహించనున్నట్లు ఉత్సవ కమిటీ సభ్యులు తెలిపారు. ఈ మేరకు గురువారం విలేకరుల సమావేశంలో మాట్లాడుతూ.. జిల్లా కేంద్రంలోని పాలిటెక్నిక్‌ మైదానంలో 9రోజుల పాటు ఉత్సవాలు కొనసాగుతాయని చెప్పారు. గిరిజన, బంజారా మహిళలు, యువతులు పాల్గొంటారని వెల్లడించారు. శుక్రవారం సాయంత్రం పాలిటెక్నిక్‌ కళాశాల మైదానంలో ప్రారంభోత్సవ కార్యక్రమం ఉంటుందన్నారు. పెళ్లి కాని యువతులు గోధుమ విత్తనాలు నాటి వాటిని భక్తి శ్రద్ధలతో కొలుస్తారని చెప్పారు. అనంతరం అలీసాగర్‌లో నిమజ్జన కార్యక్రమం ఉంటుందన్నారు. కార్యక్రమంలో మాజీ కార్పొరేటర్‌ చాంగుబాయ్, డా.సులోచన, డా.చంద్రకళ, డా.హరికృష్ణ, డా.మోతిలాల్, బిలోజి, బలరాం నాయక్, ప్రియా, శంకర్‌ నాయక్ తదితరులు ఉన్నారు.
