అక్షరటుడే, బాన్సువాడ: కోటగిరి ఎంపీపీ సునీత శ్రీనివాస్ కాంగ్రెస్‌ తీర్థం పుచ్చుకున్నారు. బాన్సువాడ నియోజకవర్గ ఇంఛార్జి ఏనుగు రవీందర్‌రెడ్డి సమక్షంలో కాంగ్రెస్‌లో చేరారు. అలాగే ఉమ్మడి కోటగిరి మండల ఎంపీటీసీలు, మాజీ సర్పంచ్‌లు సైతం హస్తం పార్టీలో చేరారు. ఎమ్మెల్యే పోచారం శ్రీనివాస్ రెడ్డికి ప్రధాన అనుచరులుగా ఉన్న నాయకులు పార్టీని వీడడంపై గులాబీ శ్రేణుల్లో చర్చ జరుగుతోంది. ఈ కార్యక్రమంలో కాంగ్రెస్‌ నేతలు గంగాధర్‌ దేశాయ్‌, వహీద్‌, యలమంచిలి శ్రీనివాస్, ప్రతాప్‌ సింగ్‌, మధుసూదన్‌, పుప్పాల శంకర్‌ పాల్గొన్నారు.
