అక్షరటుడే, నిజామాబాద్: నగరానికి చెందిన బీఆర్ఎస్ కార్పొరేటర్లు మాయావర్ సవిత రాజు, ఉమారాణి ముత్యాలు బీజేపీలో చేరారు. ఎంపీ అరవింద్, ఎమ్మెల్యే ధన్పాల్ సూర్యనారాయణ సమక్షంలో మంగళవారం కాషాయ కండువా కప్పుకున్నారు. వీరితో పాటు మాజీ కార్పొరేటర్ మాయావర్ సాయిరామ్, మాయావర్ సంతోష్ తదితరులు పార్టీలో చేరిన వారిలో ఉన్నారు. ఇదిలా ఉండగా.. నగరంలో బీఆర్ఎస్ పార్టీకి వరుస షాక్ లు తగులుతున్నాయి. ఆ పార్టీ కార్పొరేటర్లు, నాయకులు ఒక్కొక్కరిగా గుడ్ బై చెబుతున్నారు. కొందరు కాంగ్రెస్ కండువా కప్పుకుంటే మరికొందరు బీజేపీలో చేరుతున్నారు.
