అక్షరటుడే, వెబ్డెస్క్: అమెరికా అధ్యక్షుడు డోనాల్డ్ ట్రంప్(Donald Trump) ఎఫెక్ట్తో బిట్కాయిన్(Bit coins) విలువ తగ్గుతూనే ఉంది. మంగళవారం 90 వేల డాలర్ల దిగువకు బిట్కాయిన్ పడిపోయింది. మార్చి 4 నుంచి మెక్సికో, కెనడాపై సుంకాలను విధిస్తామని ట్రంప్ ప్రకటించిన నేపథ్యంలో బిట్కాయిన్ క్షీణిస్తోంది. దీంతో ప్రపంచ వాణిజ్యంపై సుంకాల ఎఫెక్ట్ ఎలా ఉంటుందోనని ఇన్వెస్టర్లు ఆందోళన చెందుతున్నారు. దీంతో బిట్ కాయిన్తో పాటు ప్రపంచ మార్కెట్లు కొద్దిరోజులుగా ఒడిదుడుకులకు లోనవుతున్నాయి. ఈ క్రమంలో క్రిప్టో మార్కెట్ సుమారు 8 శాతం పడిపోయింది.
ఇతర క్రిప్టోల పరిస్థితి
బిట్కాయిన్తో పాటు ఈథర్, సోలానా, డోగ్‌కోయిన్‌తో సహా అనేక ప్రముఖ ఆల్ట్‌కాయిన్‌లు కూడా అమ్మకాల ఒత్తిడిని ఎదుర్కొంటూనే ఉన్నాయి. రెండో అతిపెద్ద క్రిప్టోకరెన్సీ అయిన ఈథర్ రెండు రోజుల్లో 10 శాతానికి పైగా క్షీణించింది. సోలానా 15 శాతం, డోగోకాయిన్ 13 శాతం పడిపోయాయి.
పెరుగుతున్న బంగారం
మిగతా మార్కెట్లతో పోలిస్తే క్రిప్టో కరెన్సీ ప్రస్తుతం బలహీనంగా ఉంది. గ్లోబల్ మార్కెట్లలో కూడా అనిశ్చితి నెలకొన్నా.. క్రిప్టో కరెన్సీ వేగంగా పడిపోవడంతో ఇన్వెస్టర్లు ఆందోళన చెందుతున్నారు. మరోవైపు ట్రంప్ దెబ్బతో పసిడి ధర పరుగులు పెడుతోంది. మార్కెట్ల పతనంతో మదుపర్లు బంగారంపై తమ దృష్టి కేంద్రీకరించారు.
అమ్మకాల ఒత్తిడి
క్రిప్టో ఎక్స్చేంజ్ బైబిట్ గత వారం హ్యాకర్లు కోల్పోయిన అంచనా 1.4 బిలియన్ డాలర్లను పునరుద్ధరిస్తామని ప్రతిజ్ఞ చేసిన ఈథర్ ఒత్తిడిని ఎదుర్కొంటూనే ఉంది. మరోవైపు క్రిప్టో సంబంధిత కంపెనీల షేర్లు కూడా పడిపోతున్నాయి. కాయిన్‌బేస్ గ్లోబల్ ఇంక్ ఆరు రోజులుగా తిరొగమనంలోనే ఉంది. మైక్రోస్ట్రాటజీ సుమారు 5.7శాతం పడిపోయింది. బిట్కాయిన్ మైనర్ మారా హోల్డింగ్స్ సోమవారం 5.3 శాతం, గతం వారంలో 13శాతం క్షీణించింది.
