అక్షరటుడే, నిజామాబాద్‌ రూరల్‌: పార్లమెంట్‌ ఎన్నికల్లో బీజేపీ ఘనవిజయం సాధిస్తుందని, దేశవ్యాప్తంగా 400కు పైగా ఎంపీ సీట్లు గెలుస్తామని అర్బన్‌ ఎమ్మెల్యే ధన్పాల్ సూర్యనారాయణ ధీమా వ్యక్తం చేశారు. హైదరాబాద్‌లోని ఎల్బీ స్టేడియంలో మంగళవారం నిర్వహించనున్న విజయసంకల్ప సదస్సుకు నిజామాబాద్‌ అర్బన్‌ నాయకులు తరలివెళ్లారు. ఈ సందర్భంగా ధన్పాల్ మాట్లాడుతూ.. గత పదేళ్ల బీజేపీ పాలనలో అర్హులందరికీ సంక్షేమ పథకాల ఫలాలు అందాయని, అవినీతి ఆరోపణలు లేకుండా స్వచ్ఛమైన పాలన అందించామన్నారు. దేశ ప్రజలందరూ బీజేపీకి మద్దతుగా ఉన్నారని పేర్కొన్నారు.
