అక్షరటుడే, నిజామాబాద్: నగరంలో ఏడేళ్ల బాలుడు కిడ్నాప్ జరిగిన ఘటన కలకలం రేపుతోంది. మాలపల్లి కి చెందిన మహమ్మద్ సల్మాన్ అలియాస్ మినాజ్ ఈ నెల 30 నుంచి అదృశ్యమయ్యాడు. ఇంటి సమీపంలో ఆడుకునేందుకు వెళ్లిన బాలుడు తిరిగి ఇంటికి చేరుకోలేదు. బాలుడి ఆచూకీ తెలియకపోగా అదృష్యమైనట్లు కుటుంబీకులు గుర్తించారు. ఒకటో టౌన్ లో ఫిర్యాదు చేశారు. అనంతరం స్థానికంగా ఉన్న సీసీ టీవీ దృశ్యాలు పరిశీలించగా.. ఓ వ్యక్తి టూ వీలర్ పైన బాలుడిని అపహరించుకెళ్ళినట్లు గుర్తించారు. కిడ్నాప్ చేసిన వ్యక్తి స్థానికంగా ఉండే సోహెల్ ఖాన్ గా గుర్తించారు. విజయవాడ వైపు బాలుడిని తీసుకెళ్లినట్లు సమాచారం. ఒకటో టౌన్ పోలీసులు కిడ్నాప్ కేసు నమోదు చేసుకొని దర్యాప్తు చేస్తున్నారు.
