అక్షరటుడే, వెబ్ డెస్క్: నిజామాబాద్ నగరంలోని నిఖిల్ సాయి హోటల్ పక్కనే గల మాల్ లో యువతి పట్ల పదహారేళ్ల బాలుడు అసభ్యకరంగా ప్రవర్తించాడు. లిఫ్టులో నుంచి బయటకు వెళ్లే సమయంలో యువతి చేయి పట్టుకుని లాగాడు. మంగళవారం రాత్రి ఈ ఘటన చోటు చేసుకుంది. కాగా.. సదరు యువతి సదరు మాల్ లోనే పని చేస్తున్నట్లు సమాచారం. అనంతరం పోలీసులు రంగంలోకి దిగి విచారణ చేపట్టారు. సదరు బాలుడికి మతిస్థిమితం బాగాలేదని పోలీసులు గుర్తించారు. అయితే ఈ వ్యవహారంపై మాల్ యాజమాన్యం ఫిర్యాదు చేసేందుకు నిరాకరించింది. గతంలోనూ ఇదే మాల్ లో ఈ తరహా ఘటన చోటు చేసుకుందని సమాచారం.
