అక్షరటుడే, ఆర్మూర్: ఆర్మూర్ మున్సిపల్ పరిధిలోని పెర్కిట్ 63వ జాతీయ రహదారిపై శనివారం రాత్రి కారు, బైకు ఢీకొన్న ఘటనలో ఇద్దరు యువకులకు తీవ్ర గాయాలయ్యాయి. స్థానికుల కథనం ప్రకారం.. పెర్కిట్ బైపాస్ వద్ద 63వ జాతీయ రహదారి నుంచి 44వ జాతీయ రహదారిపైకి ఎక్కడానికి కారు యూటర్న్ తీసుకుంటుండగా అదే క్రమంలో అటు నుంచి పెర్కిట్ వైపు వస్తున్న బైకు కారును ఢీకొట్టింది. దీంతో ఇద్దరు యువకులు తీవ్రంగా గాయపడ్డారు.
