అక్షరటుడే, జుక్కల్: పిట్లం మండల కేంద్రంలో గొలుసు చోరీ జరిగింది. ద్విచక్ర వాహనంపై వచ్చిన ఇద్దరు నిందితులు ఆదివారం మధ్యాహ్నం మహిళ మెడలో నుంచి బంగారు గొలుసును లాక్కెళ్లారు. ఎస్సై నిరేష్ తెలిపిన వివరాల ప్రకారం.. బాన్సువాడ నియోజకవర్గంలోని నస్రుల్లాబాద్ గ్రామానికి చెందిన గడ్డం శకుంతల ఆదివారం మధ్యాహ్నం పిట్లం బస్టాండ్ లో బస్సు దిగి తన కూతురు ఇంటికి నడుచుకుంటూ వెళ్తోంది. ఇదే సమయంలో వెనుక నుంచి వచ్చిన స్నాచర్లు ఆమె మెడలోని రెండు తులాల బంగారు గొలుసును అపహరించుకుపోయారు. నిందితులు పల్సర్ బైక్ పై వచ్చి స్నాచింగ్ కు పాల్పడినట్లు పోలీసులు గుర్తించారు.
