అక్షరటుడే, వెబ్‌డెస్క్‌: మూసీ వద్ద ప్రపంచంలోనే అతిపెద్ద గాంధీ విగ్రహం ఏర్పాటు చేస్తామని సీఎం రేవంత్‌రెడ్డి అన్నారు. హైదరాబాద్‌లో విలేకరులతో చిట్‌చాట్‌లో మాట్లాడుతూ ఈ వ్యాఖ్యలు చేశారు. మూసీ సమీప ప్రాంతాన్ని మరొక అద్భుతమైన సిటీగా మారుస్తామన్నారు. ప్రజల సమస్యలను తెలుసుకునేందుకు వాడపల్లి నుంచి వికారాబాద్‌ వరకు పాదయాత్ర చేస్తానన్నారు. మల్లన్నసాగర్‌ నుంచి రూ.7వేల కోట్లతో ఉస్మాన్‌నగర్‌ వరకు నీటిని మళ్లిస్తామన్నారు. కేటీఆర్‌, హరీశ్‌, ఈటల రాజేందర్‌ మూసీపైన స్పష్టమైన విజన్‌తో డిప్యూటీ సీఎంను కలవాలని విజ్ఞప్తి చేశారు.
