అక్షరటుడే, వెబ్డెస్క్: CM Revanth : ముఖ్యమంత్రి రేవంత్రెడ్డి వనపర్తి పర్యటనలో ఆసక్తికర సన్నివేశాలు చోటు చేసుకున్నాయి. అభివృద్ధి పనులు ప్రారంభించడానికి పట్టణానికి వచ్చిన ఆయన తన చిన్ననాటి మిత్రులను కలుసుకొని ఆనందంగా గడిపారు. రేవంత్రెడ్డి పాఠశాల నుంచి జూనియర్ కాలేజీ పూర్తయ్యే వరకు వనపర్తిలోనే చదివారు.
CM Revanth : ఆత్మీయ కార్యక్రమం
సీఎం వనపర్తికి వస్తున్న విషయం తెలుసుకున్న ఆయన మిత్రులు ఆత్మీయ కార్యక్రమం ఏర్పాటు చేశారు. రేవంత్రెడ్డి ఈ కార్యక్రమంలో పాల్గొని తన చిన్ననాటి మిత్రులు, తనకు పాఠాలు చెప్పిన గురువులను కలిశారు. తాను చదువుకున్న రోజుల్లో జ్ఞాపకాలను నెమరువేసుకున్నారు. వారితో కలిసి భోజనం చేశారు.
CM Revanth : వారికి సర్ప్రైజ్ ఇచ్చిన రేవంత్రెడ్డి
వనపర్తి పర్యటనలో సీఎం రేవంత్రెడ్డి ఓ కుటుంబానికి సర్ప్రైజ్ ఇచ్చారు. తాను చదువుకునే రోజుల్లో అద్దెకు ఉన్న ఇంటికి వెళ్లారు. దీంతో ఆ కుటుంబ సభ్యులు ఆనంద పడ్డారు. వారితో కొద్దిసేపు గడిపారు. యోగక్షేమాలు తెలుసుకున్నారు. ఇంటితో తనకున్న అనుబంధాన్ని గుర్తుచేసుకున్నారు.
