అక్షరటుడే, కామారెడ్డి గ్రామీణం: కలెక్టర్ ఆశిష్‌ సంగ్వాన్‌ బుధవారం సుడిగాలి పర్యటన చేపట్టారు. ముందుగా లింగుపల్లిలోని అంగన్‌వాడీ కేంద్రాన్ని పరిశీంచారు. అనంతరం దోమకొండ మండలకేంద్రంలో నిర్వహించిన చేనేత దినోత్సవ వేడుకల్లో పాల్గొన్నారు. ఆ తర్వాత స్థానిక ప్రభుత్వ ఆస్పత్రిని సందర్శించి వసతులను పరిశీలించారు. అలాగే బీసీ వసతిగృహం, ఐసీడీఎస్, పశు వైద్యశాలలో నిర్వహించిన పారిశుధ్య కార్యక్రమాల్లో పాల్గొన్నారు. అక్కడి నుంచి ఎంఎల్‌ఎస్‌ పాయింట్‌ కు వెళ్లి పరిశీలించారు. వన మహోత్సవంలో భాగంగా మొక్కలు నాటారు. జడ్పీ బాలుర పాఠశాలలో విద్యార్థులకు బహుమతులు అందజేశారు. అక్కడి నుంచి సంగమేశ్వర్‌ గ్రామంలోని చేపల చెరువు, ఉద్యాన వనాన్ని పరిశీలించారు. ఆయన వెంట డీఆర్డీవో సురేందర్, డీపీవో శ్రీనివాస్ రావు, డీఎల్పీవో వెంకట శ్రీనివాస్, మండల ప్రత్యేకాధికారిణి భాగ్యలక్ష్మి, ఎంపీడీవో ప్రవీణ్‌ కుమార్, తహశీల్దార్‌ సంజయ్‌ రావు, ఏవో, తదితరులున్నారు.
