అక్షరటుడే, నిజామాబాద్‌ సిటీ : పోలీసు సిబ్బంది క్రమశిక్షణతో పనిచేయాలని సీపీ కల్మేశ్వర్‌ పేర్కొన్నారు. నగరంలోని పోలీస్‌ హెడ్‌క్వార్టర్స్‌లో సిబ్బంది సమస్యలను తెలుసుకునేందుకు శనివారం పోలీశ్‌శాఖ ఏర్పాటు చేసిన కార్యక్రమంలో పాల్గొన్నారు. సిబ్బంది సందేహాలను నివృత్తి చేశారు. సమాజంలో పోలీసు శాఖకు మంచి పేరు తేవాలన్నారు. కార్యక్రమంలో అదనపు డీసీపీ కోటేశ్వరరావు, అదనపు డీసీపీ (లా అండ్‌ ఆర్డర్‌) బస్వారెడ్డి, ఆర్మూర్‌, బోధన్‌, స్పెషల్‌బ్రాంచ్‌, ట్రాఫిక్‌ సిబ్బంది తదితరులు పాల్గొన్నారు.
