అక్షరటుడే, నిజామాబాద్‌: ఇటీవల అమలులోకి వచ్చిన నూతన న్యాయ చట్టాలపై ప్రతిఒక్కరికి అవగాహన తప్పనిసరి అని సీపీ కల్మేశ్వర్‌ పేర్కొన్నారు. నిజామాబాద్‌ నగరంలో గురువారం మీడియా ప్రతినిధులకు నూతన చట్టాలపై ఓరియంటేషన్‌ ప్రోగ్రాం నిర్వహించారు. ఈ సందర్భంగా సీపీ మాట్లాడుతూ.. భారతీయ న్యాయ సంహిత, భారతీయ నాగరిక సురక్ష, భారతీయ సాక్ష్య అధినియం తదితర చట్టాల గురించి పూర్తిగా తెలుసుకోవాలన్నారు. నిరంతరం వార్తలు రాసే మీడియా మిత్రులకు ఈ చట్టాలపై అవగాహన ఉంటే ప్రజలకు ఉపయోగపడుతుందన్నారు. ప్రజలు చట్టాలను తమ చేతుల్లోకి తీసుకోవద్దని.. ఇబ్బందులుంటే పోలీసులను సంప్రదించాలని సూచించారు. అలాగే వీడీసీల పేరిట చట్టాన్ని చేతుల్లోకి తీసుకోవడం సరికాదని పేర్కొన్నారు. ఈ కార్యక్రమంలో అడిషనల్ డీసీపీ కోటేశ్వర్ రావు, ఏఆర్ అడిషనల్ డీసీపీ శంకర్ నాయక్, నిజామాబాద్‌ ఏసీపీ రాజా వెంకట్‌రెడ్డి, ఆర్మూర్‌ ఏసీపీ బస్వారెడ్డి, బోధన్ ఏసిపి శ్రీనివాస్, సీసీఆర్ బీ ఏసిపి శ్రీనివాస్ రావు, ట్రాఫిక్ ఏసిపి నారాయణ, సీఐలు పాల్గొన్నారు.
