అక్షరటుడే, వెబ్ డెస్క్: నిజామాబాద్ రూరల్ మండలం కొత్తపేట శివారులో ఘోర ప్రమాదం జరిగింది. జనాలతో వెళ్తున్న డీసీఎం వాహనం బోల్తా పడింది. ఈ ఘటనలో పలువురికి తీవ్ర గాయాలయ్యాయి. బడాపహాడ్ దర్గాకు వెళ్తున్న సమయంలో ఈ ప్రమాదం చోటు చేసుకుంది. క్షతగాత్రులను చికిత్స నిమిత్తం జిల్లా ఆస్పత్రికి తరలించారు. కమ్మర్ పల్లికి చెందిన వారిగా సమాచారం. ప్రస్తుతం జిల్లా ఆస్పత్రిలో 15 మంది బాధితులు చికిత్స పొందుతున్నారు. ఇద్దరు మృతి చెందినట్లు సమాచారం. ప్రమాదం సమయంలో వాహనంలో 36 మంది ఉన్నట్లు తెలిసింది. ప్రమాద ఘటనపై సమాచారం అందుకున్న బీఆర్ఎస్ ఎంపీ అభ్యర్థి బాజిరెడ్డి ఆస్పత్రికి వెళ్లి బాధితులతో మాట్లాడారు. ఆస్పత్రి సూపరింటెండెంట్ క్షతగాత్రులకు దగ్గరుండి వైద్య సేవలు అందిస్తున్నారు.
