అక్షరటుడే, ఇందూరు: జాతీయస్థాయి తైక్వాండో పోటీలకు జిల్లా క్రీడాకారిణి సాయి ప్రసన్న ఎంపికైనట్లు తైక్వాండో అసోసియేషన్ జిల్లా ప్రధాన కార్యదర్శి మనోజ్ కుమార్ తెలిపారు. స్కూల్ గేమ్స్ ఫెడరేషన్ ఆధ్వర్యంలో ఇటీవల వికారాబాద్ లో జరిగిన రాష్ట్రస్థాయి తైక్వాండో పోటీల్లో బంగారు పతకం సాధించి జాతీయస్థాయికి ఎంపికైనట్లు పేర్కొన్నారు. ఈ సందర్భంగా సోమవారం అమెచ్యూర్ తైక్వాండో ఛైర్మన్ బస్వా లక్ష్మీనర్సయ్య అభినందించారు. జాతీయ స్థాయి పోటీలు మధ్యప్రదేశ్ లోని విదిష జిల్లాలో నవంబర్ 7 నుంచి 12వ తేదీ వరకు జరగనున్నాయి.
