అక్షరటుడే, నిజామాబాద్ సిటీ : జిల్లాలోని నిరుద్యోగులకు ప్రైవేట్ రంగంలో ఉపాధి కల్పించేందుకు ఈనెల 29న జాబ్ మేళా నిర్వహిస్తున్నట్లు జిల్లా ఉపాధి కల్పనాధికారి మధుసూదన్ రావు ఒక ప్రకటనలో తెలిపారు. వరుణ్ మోటార్స్ ఆధ్వర్యంలో మేళా ఉంటుందని, ఎగ్జిక్యూటివ్, రిలేషన్‌షిప్ మేనేజర్, సూపర్‌వైజర్, అడ్వైజర్ ఉద్యోగాలు ఖాళీగా ఉన్నట్లు వివరించారు. డిప్లొమా, ఐటీఐ, డిగ్రీ పాసైన వారు అర్హులని చెప్పారు. ఉద్యోగానికి ఎంపికైన వారు నిజామాబాద్, ఆర్మూర్‌లో పనిచేయాల్సి ఉంటుందని తెలిపారు. ఆసక్తి గల అభ్యర్థులు 29న ఉదయం 10.30 గంటలకు నిజామాబాద్ శివాజీనగర్‌లోని జిల్లా ఉపాధి కార్యాలయానికి ధ్రువపత్రాలతో హాజరు కావాలని సూచించారు. వివరాలకు 9581768413, 9948748428, 6305743423 నంబర్లను సంప్రదించాలన్నారు.
