అక్షరటుడే, కోటగిరి : కోటగిరి మండల కేంద్రంలోని ప్రభుత్వ జూనియర్ కళాశాలను డీఐఈవో రవి కుమార్ గురువారం తనిఖీ చేశారు. ఈ సందర్భంగా ఆయన మాట్లాడుతూ… నిజామాబాద్, పిట్లంలో ఉన్న ఐటీఐ కోర్సుల వివరాలను నిరుద్యోగులకు తెలియజేసి ఆ కోర్సులలో చేరేటట్లు చూడాలన్నారు. జాబ్ మేళాపై అవగాహన కల్పించారు. కళాశాలలో తరగతులు నిర్వహణ, పాఠ్యాంశాల బోధన, విద్యార్థుల హాజరు, అంశాలను పరిశీలించారు. సిలబస్ ను డిసెంబర్ వరకు పూర్తి చేయాలని సూచించారు. విద్యార్థుల హాజరు శాతం, పరీక్ష ఫలితాల పెంపు కోసం చేపట్టాల్సిన చర్యలను అధ్యాపకులకు సూచనలు ఇచ్చారు. కార్యక్రమంలో కళాశాల సిబ్బంది తదితరులు పాల్గొన్నారు.
