అక్షరటుడే, కామారెడ్డి : రామారెడ్డి-ఇసన్నపల్లి శ్రీ కాలభైరవ క్షేత్రం ఆర్యవైశ్య సేవా సంఘం ఎన్నికలు ఈ నెల 27న జిల్లా సెషన్స్ జడ్జి ఆదేశాలతో నిర్వహించనున్నామని జిల్లా రిజిస్ట్రార్ ప్రసూన తెలిపారు. అధ్యక్ష, ఉపాధ్యక్షులు, ప్రధాన, సహాయ కార్యదర్శి, కోశాధికారి పదవులకు ఎన్నికలు ఉంటాయన్నారు. ఈ నెల 20న ఉదయం 11 నుంచి మధ్యాహ్నం 1 వరకు నామినేషన్లు స్వీకరణ, మధ్యాహ్నం 2 నుంచి సాయంత్రం 4 గంటల వరకు నామినేషన్ల పరిశీలన జరుగుతుందని తెలిపారు. నామినేషన్ వేసే సభ్యులు సొసైటీ జాబితాలో సభ్యులై ఉండాలని, నామినేషన్ ఫీజు రూ.5 వేలు డిపాజిట్ చేయాల్సి ఉంటుందన్నారు. 23న ఉదయం 11 గంటల నుంచి మధ్యాహ్నం 2 వరకు నామినేషన్ల ఉపసంహరణ, 27న ఉదయం 9 నుంచి మధ్యాహ్నం 2 వరకు ఎన్నిక ఉంటుందని, మధ్యాహ్నం 3 గంటల నుంచి ఓట్ల లెక్కింపు తర్వాత ఫలితాలు ప్రకటించడం జరుగుతుందని పేర్కొన్నారు.
