అక్షరటుడే, వెబ్‌డెస్క్‌: drug case : విలనిజంకు కేరాఫ్ గా నిలిచిన మలయాళ నటుడు(Malayalam actor )షైన్ టామ్ చాకో(Shine Tom Chacko) నిజ జీవితంలోనూ విలన్గా మారాడు. షైన్ టామ్ చాకోపై పోలీసులకు ఇటీవల ఓ మలయాళ నటి(Malayalam actress) ఫిర్యాదు చేసింది. ఆయన తనతో అనుచితంగా ప్రవర్తించాడని సదరు నటి ఆరోపణ. ఈ మేరకు ఆమె కేసు కూడా పెట్టింది.
ఇప్పుడు ఇక ఈ నటుడిపై ఏకంగా డ్రగ్స్ కేసు నమోదయ్యే అవకాశం కనిపిస్తోంది. తాజాగా ఓ హోటల్‌లో డ్రగ్స్ దందా నడుస్తుందని తెలియడంతో పోలీసులు రైడ్ చేశారు. విషయం తెలుసుకున్న షైన్ టామ్ చాకో అక్కడి నుంచి పారిపోయినట్లుగా సమాచారం.
హోటల్ నుంచి షైన్ టామ్ చాకో పారిపోతున్న సీసీటీవీ ఫుటేజీ నెట్టింట వైరల్ అవుతోంది. కాగా, ఈ డ్రగ్స్ కేసులో ఆయనకు ఎలాంటి సంబంధం ఉందనే విషయం ఇంకా బయటకి రాలేదు. ఇక తెలుగు ప్రేక్షకులకు ‘దసరా’ చిత్రంలో షైన్ టామ్ చాకో విలన్ పాత్రలో నటించాడు.
