AISF | అనుమతి లేకుండానే పాఠశాలలో ప్రవేశాలు

AISF | అక్షరటుడే, ఇందూరు: వచ్చే విద్యా సంవత్సరానికి ప్రెసిడెన్సి పాఠశాలకు అనుమతి లేకున్నా.. ఇప్పటి నుంచే అడ్మిషన్లు ప్రారంభించారని ఏఐఎస్ఎఫ్ జిల్లా ప్రధాన కార్యదర్శి రఘురాం ఆరోపించారు. సోమవారం పాఠశాల ఎదుట వారు ధర్నా నిర్వహించారు.

ఈ సందర్భంగా రఘురాం మాట్లాడుతూ.. ప్రభుత్వ గుర్తింపు లేకున్నా ప్రవేశాలు చేపట్టి 50 శాతం ఫీజులు వసూలు చేస్తున్నారని పేర్కొన్నారు. విద్యాశాఖ అధికారులకు ఫిర్యాదు చేసినా పట్టించుకోవడం లేదని.. ఇప్పటికే హోర్డింగ్​లు పెట్టి ప్రచారాలు సైతం చేస్తున్నారని వివరించారు. సత్వరమే పాఠశాల యాజమాన్యంపై చర్యలు తీసుకోవాలని డిమాండ్ చేశారు. ధర్నాలో ఏఐటీయూసీ నాయకుడు ఓమయ్య, ఏఐఎస్ఎఫ్ అధ్యక్షురాలు అంజలి తదితరులు పాల్గొన్నారు.