అక్షరటుడే, కామారెడ్డి : KAMAREDDY | గూగుల్ మ్యాప్ ఆధారంగా ప్రయాణం చేసిన ఓ కుటుంబం కష్టాలపాలైంది. బాధితులు తెలిపిన వివరాల ప్రకారం.. హైదరాబాద్ ఈసీఐఎల్కు చెందిన ఓ కుటుంబం బాసర సరస్వతి సన్నిధిలో పిల్లలకు అక్షరాభ్యాసం చేసేందుకు బయలుదేరింది. అయితే వారికి దారి తెలియకపోవడంతో గూగుల్ మ్యాప్ను ఆధారంగా చేసుకుని శుక్రవారం తెల్లవారుజామున కారులో బయలుదేరారు.
KAMAREDDY | భిక్కనూరు పట్టణం వైపు..
అయితే భిక్కనూరు వద్దకు రాగానే జాతీయ రహదారి గుండా కాకుండా భిక్కనూరు పట్టణంలోని తహశీల్దార్ కార్యాలయం వైపు నుంచి అంతంపల్లి గ్రామం వెళ్లే దారిని గూగుల్ మ్యాప్ చూపించింది. దీంతో వారు అలాగే వెళ్లగా అదుపుతప్పిన కారు పొదల్లోకి దూసుకెళ్లింది. మట్టిలో ఇరుక్కుపోయిన కారులో నుంచి అతికష్టంమీద బయటకు వచ్చిన వారు.. రోడ్డుపైకి వచ్చి 100కి ఫోన్ చేశారు. దీంతో పోలీసులు వచ్చి జేసీబీ సహాయంతో కారును బయటకు తీయించారు. అనంతరం వారు అదే కారులో బాసరకు బయలుదేరారు.
