అక్షరటుడే, నిజామాబాద్ అర్బన్: నిజామాబాద్ రైల్వేస్టేషన్ సమీపంలో గూడ్స్ రైలులో గురువారం ఉదయం పొగలు వచ్చాయి. బొగ్గును తరలిస్తున్న వ్యాగాన్ లో ప్రమాదవశాత్తు పొగలు రాగా.. వెంటనే అప్రమత్తమైన సిబ్బంది రైలును నిజామాబాద్ స్టేషన్ లో ఆపివేశారు. అనంతరం ఫైర్ సిబ్బంది హుటాహుటిన రైల్వేస్టేషన్కు చేరుకుని వ్యాగాన్ లో మంటలను ఆర్పారు. దీంతో భారీ ప్రమాదం తప్పినట్లయ్యింది. స్పార్క్ రావడంతోనే ఈ ఘటన జరిగినట్లు అనుమానిస్తున్నారు.
