అక్షరటుడే, వెబ్డెస్క్ : Star Hero | కోలీవుడ్ Kollywood స్టార్ హీరో ధనుష్ Danush మూవీ సెట్లో భారీ అగ్ని ప్రమాదం చోటుచేసుకుంది. ధనుష్ స్వీయ దర్శకత్వంలో ఇడ్లి కడై (idly kadai) అనే సినిమా తీస్తున్నారు. ఇందులో నిత్యామీనన్ nitya menon హీరోయిన్గా నటిస్తోంది. ప్రస్తుతం మూవీ షూటింగ్ వేగంగా సాగుతోంది.
థేని జిల్లాలోని ఆండిపట్టీలో సెట్స్ మధ్య షూటింగ్ నిర్వహిస్తున్నారు. 20 రోజులుగా ఇక్కడే చిత్రీకరణ జరుగుతుండగా సెట్స్లో మంటలు వ్యాపించాయి. షూటింగ్ ముగిసిన కొద్దిసేపటికే సెట్స్లో అగ్ని ప్రమాదం చోటు చేసుకోవడంతో ఎవరికీ గాయాలు కాలేదు. కాకపోతే సెట్ పూర్తిగా కాలి బూడిదైంది.
కాగా.. ఈ చిత్రాన్ని మొదట ఈ నెల 10న విడుదల చేయాలని అనుకున్నారు. అయితే షూటింగ్ పూర్తి కాకపోవడంతో అక్టోబర్ 1న రిలీజ్ చేస్తామని మేకర్స్ ప్రకటించారు. ఈ క్రమంలో మూవీ షూటింగ్ శరవేగంగా చేపడుతున్నారు.
